Selecione

Ad Matutinum

Texto Original

Ad Matutinum

7 – Invitatorium 

Regi, quae fecit opera, 
Christo confiteantur, 
Cuius in sancto vulnera 
Francisco renovantur. 

8 – Hymnus 
Auctore Thoma Capuano Cardinale S. Sabinae. 

I. In caelesti collegio 
Novus collega colitur: 
In sanctorum rosario 
Novellus flos producitur. 

II. Franciscus florens gratia, 
Forma factus humilium, 
Laetus potitur gloria, 
Sortis consors sublimium. 

III. Metit de sparso semine 
Plenae messis manipulum, 
Fallens sub terrae tegmine 
Nostrae salutis aemulum. 

IV. Hic carnis supercilium 
Legi subiecit spiritus: 
Mundum vicit et vitium, 
Se victo, victor inclytus. 

V. Linguae manus praeambula 
Verbo paravit semitam, 
Et amplectuntur saecula 
Doctrinam facto proditam. 

VI. In paupertatis praedio 
Minorum plantans vineam, 
Ostendit magisterio 
Vitae vivendi lineam. 

VII. Ad aeternas divitias 
Turbam allexit pauperum, 
Quos ad caeli delicias 
Lingua vocavit operum. 

VIII. Vita, doctrina splenduit, 
Resplendet et miraculis; 
Sic praefuit, quod profuit, 
Via, lucerna populis. 

IX. Summi reais palatio, 
Doctor, loca discipulos; 
Salutis privilegio 
Christi praemuni famulos. 

X. De tenebris miseriae 
Sequaces stellae praeviae, 
Quaeramus patrem gratiae, 
Consortes tandem gloriae. Amen. 

IN I NOCTURNO 

9 – Antiphonae 

I. Hic vir in vanitatibus 
Nutritus indecenter, 
Plus quis nutritoribus 
Se gessit insolenter. 

II. Excelsi dextrae gratia 
Mirifice mutatus, 
Dat lapsis spem de venia 
Cum Christo iam beatus. 

III. Mansuescit sed non penitus 
In primis per languores, 
Qui, captis armis caelitus, 
Ad plenum mutat mores. 

10 - V. Amavit eum Dominus et ornavit eum. 
R. Stolam gloriae induit eum. 

11 – Responsoria 
I. R. Franciscus ut in publicum 
Cessat negotiari, 
In agrum mox dominicum 
Secedit meditari; 
Inventum evangelicum 
Thesaurum vult mercari. 
V. Deum, quid agat, unicum 
Consultans, audit caelicum  
Insigne sibi dari. | 

II. R. In Dei fervens opere, 
Statim ut sua vendit, 
Pauperibus u impendere 
Pecuniam intendit, 
Quae gravi suo pondere ` 
Cor liberum offendit. 
V. Quam, formidante paupere 
Presbytero recipere, 
Abiectam vilipendit. 

III. Dum pater hunc persequitur, 
Latens dat locum irae; 
Constanter post aggreditur 
In publicum prodire: 
Squalenti vultu cernitur, 
Putatur insanire. 
V. Luto, saxis impetitur, 
Sed patiens vir nititur 
Ut surdus pertransire. 

IN II NOCTURNO 

12 – Antiphonae 

IV. Pertractum domi verberat 
Plus cunctis furens pater, 
Obiurgans vincit, carcerat; 
Quem furtim solvit meter. 

V. Iam liber, patris furiae 
Non cedit effrenati, 
Clamans se voluntarie 
Pro Christo mala pati. 

VI. Ductus ad loci praesulem, 
Sua patri resignat; 
Nudusque manens exsulem 
In mundo se designat. 

13 - V. Os iusti meditabitur sapientiam 
R. Et lingua eius loquetur iudicium. 

14 – Responsoria 

IV. R. Dum seminudo corpore 
Laudes decantat gallice 
Zelator novae legis, 
Latronibus in nemore 
Respondet sic prophetice: 
“Praeco sum magni Regis”. 
V. Audit, in nivis frigore 
Proiectus: “Iace, rustice”, 
Futurus pastor gregis. 

V. R. Amicum quaerit pristinum, 
Qui spretum in coenobio 
Tunicula contexit. : 
Contemptu gaudens hominum 
Leprosis fit obsequio, 
Quos antea despexit. 
V. Sub typo trium Ordinum 
Tres, nutu Dei praevio, 
Ecclesias erexit. 

VI. R. Audit in Evangelio 
Quae quis Christus loquitur 
Ad praedicandum missis; 
“Hoc”, inquit, “est quod cupio”. 
Laetanter his innititur 
Memoriae commissis. 
V. Non utens virga, calceo, 
Nec pera, fune cingitur, 
Duplicibus dimissis. 

IN III NOCTURNO. 

15 – Antiphonae 

VII. Cor verbis novae gratiae 
Sollicitus apponit, 
Verbumque poenitentiae 
Simpliciter proponit. 

VIII. Pacem, salutem nuntiat 
In Spiritus virtute, 
Veraeque paci sociat  
Longinquosh a salute. 

IX. Ut novis sancti merita 
Remunerantur natis, 
His nova tradit monita, 
Viam simplicitatis. 

16 - V. Lex Dei eius in corde ipsius 
R. Et non supplantabuntur gressus eiusk. 

17 – Responsoria 
Auctore Card. Thoma Capuano. 

VII. R. Carnis spicam, contemptus area, 
Franciscus frangens, terens terrea, 
Granum purum, excussa palea, 
Summi Regis intrat in horrea. 
V. Vivo pani morte iunctus, 
Vita vivit vita functus. 

Auctore Gregorio IX. 
VIII. R. De paupertatis horreo 
Sanctus Franciscus satiat 
Turbam Christi famelicam, 
In via ne deficiat; 
Iter pandit ad gloriam 
Et vitae viam ampliat. 

V. Pro paupertatis copia 
Regnat dives in patria, 
Reges sibi substituens, 
Quos hic ditat inopia. 

IXa. R. Sex fratrum pater septimus, 
Absorptus luce caelitus, 
Futura contemplatur. 
Inter Minores minimus, 
Quis parvi gregis exitus 
Praeclare speculatur. 
V. Quadrans quoque novissimus 
Culparum sibi penitus 
Dimitti revelatur. 

IXb. R. Arcana suis reserans. 
Octavum tandem recipit, 
Et ad diversas gentes 
Binos mittendos foederans, 
Humiliari praecipit 
Et esse patientes. 
V. Grex procidit obtemperans, 
Pastor erectos suscipit 
Ad oscula gaudentes. 

IXc. R. “Euntes”, inquit, “in eum 
Qui nutriet vos Dominum 
Iactate cogitatum”. 
Sic fratribus erroneum 
Praecludit et interminum 
Callem cupiditatum. 
V. Sic curis cor extraneum 
Non providet in crastinum 
In zonis aes ligatum. 

IXd. R. Regressis quos emiserat, 
Completur bis senarius 
Fratrum; dum confirmando 
Normam sancto quam scripserat, 
Iussa dat Innocentius 
Papa de praedicando. 
V. In mna Franciscus foenerat, 
Quem dati movet ratio 
De lucro reportando.

Texto Traduzido

Ad Matutinum

.